سِرینگرَس منٛز شٔدیٖد سردی ، سرینگرَس منٛز رٲژ ہُنٛد درجہٕ حرارت منفی 2.5 ڈگری سیلسیس درٕج۔

وادی کشمیرَس منٛز رٲژ ہُنٛد درجہٕ حرارت لَگاتار بۅن وسنہٕ کِنۍ چھُنہٕ لوٗکَن تیز سردی نِش کانٛہہ تہِ راحت میٚلان۔

کشمیر موسمہٕ مُطٲبِق اوس رٮ۪تہٕ کالہِ رازدٲنی سرینگرَس منٛز آو کم از کم درجہٕ حرارت منفی 2.4 ڈگری سیلسیس درٕج کرنہٕ ، ییٚلہِ زَن راتھ رٲژ ہُنٛد درجہٕ حرارت منفی 0.9 ڈگری سیلسیس ریکارڈ کرنہٕ آمُت چُھ۔

وادی ہٕنٛدِس مشہوٗر سیاحتی مقام پہلگامَس منٛز آو کم از کم درجہٕ حرارت منفی 0.4 ڈگری سیلسیس ریکارڈ کرنہٕ، ییٚلہِ زَن گُلمرگہِ منٛز اوس رٲژ ہُنٛد درجہٕ حرارت منفی 2.5 ڈگری سیلسیس ریکارڈ کرنہٕ ۔

سرحدی ضِلعہٕ کُپواڑہَس منٛز آو کم از کم درجہٕ حرارت منفی 1.2 ڈگری سیلسیس درٕج کرنہٕ، تہٕ قاضی گُنٛڈ شَہرَس یَتھ گیٹ وے آف کشمیر ونان اوس کم از کم درجہٕ حرارت منفی 1.2 ڈگری سیلسیس۔

جٔنوٗبی کٔشیٖرِ ہٕنٛدِس اننت ناگ، پلوامہ، شوپیان تہٕ کُلگامَس منٛز آو کم از کم درجہٕ حرارت بِلترتیب منفی 1.4 ڈگری سیلسیس، منفی 3.1 ڈگری سیلسیس تہٕ منفی 4.2 ڈگری سیلسیس ریکارڈ کرنہٕ۔