پلوٲمِس منٛز منشیات فروش گِرِفتار، چرٕس ہیوٗ مادٕ برآمد: پُلیٖس

ڈرگ ڈِلرن خٕلاف پنٕنۍ مُہِم جٲری تھٲوِتھ کوٚر پلوامہ پولیسَن اکھ منشیات فروش گِرِفتار تہٕ أمۍ سٕنٛدِس قبضَس منٛز کوٚرُکھ چرٕس ہیوٗ ممنوعہ مادٕ ضبط۔
پُلسہٕ کہِ ترجمانَن ووٚن أکِس بیانَس منٛز زِ پلوامہ پُلسہٕ ٹیٖمَن رُکٲوۍ راتھ کلپورہ علاقَس منٛز معموٗل گشتَس دوران اکھ شخٕص۔
تِمَو ووٚن زِ تلٲشی دوران اوسُکھ أمۍ سٕنٛدِس قبضَس منٛز 4.5 کِلوگرام چرٕس ہیوٗ پاؤڈری ممنوعہ مادٕ برآمد کوٚرمُت۔
مُلزِم سٕنٛز شناخت چھِ کلپورہ کِس روزَن وٲلِس علی محمد ڈار سُنٛد نیٚچُو پرویز احمد ڈار ناوٕ سۭتۍ کرنہٕ آمٕژ۔
تِمَو ووٚن ووٚن زِ مُلزِم اوسُکھ موقعہٕ پٮ۪ٹھے گِرِفتار کوٚرمُت تہٕ برآمد کرنہٕ آمُت مادٕ آو قونوٗنی طٔریٖقہٕ کار مُطٲبِق ضبط کرنہٕ۔
پُلسہٕ ترجمانَن ووٚن زِ پُلیٖس تھانہٕ لاتیرَس منٛز آو ایف آئی آر نمبر 4/2026 تحت این ڈی پی ایس ایکٹ کِس مُتعلقہٕ دفعَن تحت اکھ مقدمہ درٕج کرنہٕ، تہٕ مٔزیٖد تفتیش چھُ شُروٗع کرنہٕ آمُت۔
تِمَو ووٚن زِ پلوامہ پولیس چھِ منشیاتَس خٕلاف پنٕنۍ مُہِم جٲری تھونہٕ باپتھ پرعزم