اَز شامہٕ پیٹھہٕ کٔشیٖرِ منٛز بٔڑِس پیمانَس پٮ۪ٹھ شیٖن تہٕ روٗد پیٚنُک امکان۔

محکمہٕ موسمیات چہِ پیشن گویی مُطٲبِق ہیکہِ اَز شامَس پٮ۪ٹھٕ وادی کٔشیٖرِ منٛز بٔڑِس پیمانَس پٮ۪ٹھ شیٖن تہٕ روٗد پیٚنُک امکان، تہٕ اَتھ وقتَس دوران چھُ سرینگرَس تہٕ مٲدٲنی علاقَن منٛز موجودٕ موسمُک گۄڈٕنیُک شیٖن پیٚنُک امکان۔
محکمہٕ موسمیات کہِ ترجمانَن ووٚن زِ 22 تہٕ 23 جنوری روزِ وادی ہُنٛد موسم عام طور اوٚبُر تہٕ زیادٕ تر جاین ہلکہٕ پیٹھٕ درمیٲنی شیٖن پیٚیہِ۔ اَتھ عرصَس دوران چھُ 22 جنوری شامَس پٮ۪ٹھٕ 23 جنوری شامَس تام چناب وادی، پیر پنجل سِلسِلہٕ تہٕ جنوٗبی کشمیر کٮ۪ن کینٛژن ضِلعن منٛز سٮ۪ٹھا شیٖن پیٚنُک امکان۔
تٔمۍ ووٚن زِ ابتدٲیی طور ہیکہِ وادی کٮ۪ن مٲدٲنی علاقن منٛز معموٗلی روٗد پیٚتھ، اَمہِ پتہٕ ہلکہٕ پیٹھٕ درمیٲنی شیٖن پیٚیہِ، ییٚلہِ زن بٔنِم پہٲڑی علاقن منٛز چھُ از رٲژ ژیٖرۍ تہٕ پگہہ صُبحٲے درمیٲنی پیٹھہٕ شدید شیٖن پیٚنُک امکان۔
کٔشیٖرِ موسمہٕ مُطٲبِق ہیکہِ اَز دُپہرٕ پٮ۪ٹھٕ شُمٲلی کٔشیٖرِ ہٕنٛدِس زِیٛادٕ تَر حِصَس مُتٲثِر کٔرِتھ، تہٕ رٲژَس دوران ہیکہِ جموں و کشمیرُک زِیٛادٕ تَر حِصہٕ اَمہِ کِس اثرَس تل ٲسِتھ۔