نوہٹہ سرینگرَس منٛز نار ، 10 گَرٕ خاکستر

سرینگر سِید پورہ نوہاٹہَس منٛز رٲژ نار لگنہٕ کِس أکِس خوفناک واقعس منٛز گٔیہٕ کم از کم 10 رہٲیشی مکانہٕ سوٗر کرنہٕ۔
یہِ چھُ پٔتِمٮ۪ن 24 گٲنٛٹَن منٛز سرینگرَس منٛز نار لگنُک دوٚیِم خوفناک واقعہٕ۔ سرینگر کِس چٹابل علاقَس منٛز گٔیہِ برٛسوارِ دۄہ صُبحٲے نار لگنہٕ کِس واقعَس منٛز 10 مکانہٕ تباہ۔
ذٔرایعَو وون زِ نار لوٚگ برٛسوارِ تہٕ جُمعہ درمِیان رٲژ سرینگر کِس گٔنۍ آبادی وٲلِس علاقَس منٛز تہٕ نار ہٮ۪کَو دوٗرِ پیٹھٕ وُچھنہٕ یِوان۔
تِمَو ووٚن زِ نارَن لوٚگ أکِس لمحَس منٛز أنٛدۍ پٔکھۍ گَرَن لٔبِتھ۔
فائر اینڈ ایمرجنسی ڈیپارٹمنٹٕکۍ أکۍ اہلکارَن ووٚن زِ نارٕچ اطلاع دِنہٕ پتہٕ آیہِ مُختٔلِف فائر سٹیشنَو پٮ۪ٹھ تقریباً اکھ درجن نار ٹینڈر واقعہٕ جایہِ پٮ۪ٹھ سوزنہٕ، یِمو سٮ۪ٹھاہ مُشکِلَو باوجوٗد نار قوبوٗہس منٛز اوٚن۔
تٔمۍ ووٚن زِ اَتھ واقعَس منٛز لَگ بَگ 10 رہٲیشی مکانَن گوٚو شٔدیٖد نۄقصان، مگر کانٛہہ تہِ جٲنی نۄقصانٕچ اطلاع چھُنہٕ۔
تٔمۍ ووٚن ووٚن زِ نارُک وجہہ چھُ تفتیش یِوان کرنہٕ۔