*بی جے پی راشٹریہ ادھیکش نتن نبین سند دۄن دوہن ہند جموں و کشمیر دورہ *

بھارتیہ جنتا پارٹی (بی جے پی) چہ راشٹریہ ادھیکش نتن نبین از، یعنی سوموارہ، جموں و کشمیرک دوہ دوہن ہند اہم دورہ شروع کرنہ خاطر جموں واتان۔ اکھن دورس منز کرنہ تم واریاہ جتھبندی میٹنگ، پارٹی لیڈرن تہ نوجوانن سیتھ کلام، تہ جموں و کشمیرک نامور مذہبی جاین پٹھ حاضری۔خبر رساں ایجنسی—کشمیر نیوز آبزرور (کے این او) مطابق، نتن نبین سند جموں واتنس پٹھ کرہ پارٹی کارکن واریاہن جاین پٹھ تمس شاندار استقبال۔ یتھ منز جموں ہوائی اڈہ، جی بی پنت ہسپتال، ایشیا ہوٹل نزدیہ ویمنز کالج تہ ڈوگرا چوک شامل چھی۔ امہ پتہ کرہ تم گرینڈ، مشری والا منز کارکنان کانفرنسس خطاب۔دپہرہ پتہ کرہ تم ٹرکونا نگر منز بی جے پی ہند جموں و کشمیر ہیڈکوارٹرس منز عہديدارن سیتھ اکھ اہم میٹنگ، یتھ منز جتھبندی ہند کام کاج تہ جموں و کشمیر خاطر پارٹی ہند حکمت عملی پٹھ بحث کرنہ ینہ۔شامس چھی تم تاریخی رگھوناتھ مندرس منز حاضری دنہ خاطر تشریف نوان۔منگل وار دوہ کرہ نتن نبین شری ماتا ویشنو دیوی دربارس منز حاضری، تہ جموں واپس واتتھ کرہ تم ڈوگرا چوک منز بی جے پی ہند سرکردہ لیڈر پریم ناتھ ڈوگرا سندس مجسمس پٹھ گلپوشی۔دومہ دوہک پروگرامس منز چھی بی جے پی ہندین ممبرانِ پارلیمنٹ، اسمبلی ممبران تہ سابقہ نمائندین سیتھ الگ الگ میٹنگ شامل۔ امہ علاوہ کرہ تم کنونشن سنٹرس منز ‘یووا سمواد’ (نوجوانن سیتھ گفتگو) پروگرامس منز حصہ، یتھ منز تم پارٹی ہندین نوجوان کارکنن سیتھ کلام کرتھ پارٹی ہند وژن تہ تنظیمی روڈ میپ برونہہ کن تھاون۔