بارہ مولہس منز یو اے پی اے کیسس تحت واریاہن جاین تلاشی، الیکٹرانک سامان ضبط

بارہ مولہ پولیسن کٔر برہسوار دۆہ ضلس منز واریاہن جاین ہمنوا تلاشی، یس پولیس اسٹیشن بارہ مولہ منز درج ایف آئی آر نمبر 43/2026 (تحت دفعہ 13 یو اے پی اے اتے دفعہ 351(3) بھارتیہ نیایا سنہتا) ہنز تحقیقاتی سرگرمی ہند اکھ حصہ چھُ۔جی این ایسس مِلن وٲلؠ زانکاری مطابق، پولیسن کٔر ہمن مکانن ہنز تلاشی یم منز فراز اشرف گوجری (فرزند محمد اشرف گوجری، ساکن اقبال کالونی، بارہ مولہ)، وسیم علی کار (فرزند علی محمد کار، ساکن کانلی باغ، بارہ مولہ)، تنویر احمد میر عرف کاکا میر (فرزند عبد الرشید میر، ساکن توحید گنج، بارہ مولہ، حال گلنار پارک، آزاد گنج) اتے وسیم حسین میر (فرزند محمد حسین میر، ساکن خواجہ باغ جٹی، بارہ مولہ) شامل چھِ۔تلاشی دوران آیہ ژور موبائل فون اتے اکھ لیپ ٹاپ ضبط کرنے۔ حکامو ووُنت زِ یم الیکٹرانک سامان چھِ فورینسک جانچ خٲطرہ محفوظ کٔرنے تاکہ جاری تحقیقاتس منز مدد مِلے۔یہ تلاشی مہم کَرنہ آئی قانونی ضوابط مطابق، ایگزیکٹو مجسٹریٹ اتے آزاد گواہن ہنز موجودگی منز۔بارہ مولہ پولیسن ووُنت زِ یہ کاروائی چھِ غیر قانونی سرگرمین ہنز پیشہ ورانہ، قانونی اتے شفاف طریقے سان جانچ کرنے ہنز تندہی ہند حصہ، تاکہ عوامی امن اتے قومی سلامتی برقرار روزے۔پولیسن مزید ووُنت زِ تِم چھِ انصاف پسند اتے مکمل تحقیقات کرنے خٲطرہ پرعزم، اتے امن و امان قایم تھاونہ خٲطرہ کَرنہ ین تمام ضروری قانونی اقدامات۔