**جموں سرینگر نیشنل ہائی وے ٹولڈی نالس نزیک سڑک حادثہ، ۵ امرناتھ یاتری زخمی**
جمعہ دلا صبحے سویرے جموں سرینگر قومی شاہراہ (NHW-44) پیٹھ ادھم پور-چینانی سڑک ہندس اکسی حِصّس منز ٹولڈی نالہ نزیک اک گاڈی حادثہ شکار گژھنہ کنہ ۵ امرناتھ یاتری زخمی سپدے، یمن منز اک خاتونہ سنز حالت تشویشناک دپن ہوان چھِ۔سرکاری اہلکارو جی این ایسس وون زہ یہ حادثہ صبحے تقریباً ۶:۱۰ بجے پیش آو، ییلہ اک ارٹیگا گاڈی (نمبر MP13ZY-2836) سڑک پیٹھ کنٹرول کھونہ کنہ حادثہ شکار گٔے ۔اہلکارو دوپ، "یم پانشوی زخمی نفر چھِ مدھیہ پردیشک امرناتھ یاتری۔ یمن منز اک خاتونہ شدید زخمی سپزمژ چھِ۔”حادثہ سپدنے ساتی سی آر پی ایف ۱۳۷ بٹالین، گورکھا ۴/۳، سول ڈیفنس، ٹریفک پولیس تہ جموں و کشمیر پولیس موقعہس پیٹھ پنہہ تہ تمو کور ریسکیو آپریشن شروع۔ تمام زخمی نفر آے فورا علاج معالجہ خاطر ایسوسی ایٹڈ ہسپتال، گورنمنٹ میڈیکل کالج ادھم پور منتقل کرنہ۔ایمی واقعے سنز تصدیق کردے توی مرکزی وزیر ڈاکٹر جتیندر سنگھن دوپ زہ تمو کور رپورٹ ملنے ساتی ڈی سی ادھم پور شری منگا شیرپا ہس ساتی فون پیٹھ کلام۔ڈاکٹر سنگھن ایکس (سابقہ ٹویٹر) پیٹھ پوسٹ کور زہ، "مدھیہ پردیشک اک نجی گاڈی، یہ امرناتھ یاترا کن گژھان شہر، جموں سرینگر قومی شاہراہس پیٹھ ٹولڈی نالہ نزیک حادثہ شکار گژھنہ چہ رپورٹ ملنے ساتی کور مے ڈی سی ادھم پور منگا شیرپا ہس ساتی رابطہ۔”تمو مزید دوپ زہ پانژ نفر زخمی گٔے، "یمن منز اک خاتونہ شدید زخمی سپد مژ چھِ تہ ایمہ کنہ آے تم فورا گورنمنٹ میڈیکل کالج جموں ریفر کرنہ۔”مرکزی وزیرن وون، "ہر ممکن امداد فراہم کرنہ دوان چھِ۔ میون دفتر چھِ مسلسل انتظامیس ساتی رابطس منز۔”مزید تفصیلاٹھ چھِ ونی تیار۔