اننت ناگ: جنگلی علاقس منٛز چینٕکۍ بناونہٕ آمٕتۍ 2 گرنیڈ برآمد، بم ناکارٕ بناون وٲلۍ سکواڈن کٔر تِم تباہ۔

جنوٗبی کشمیر کِس اننت ناگ ضِلعَس منٛز کٔر سیکورٹی فورسَن متین کِس سر ہمدان جنگلاتی علاقَس (سندوز) منٛز تلاشی کارروٲئی دوران چینٕک دٔسۍ بناونہٕ آمٕتۍ زٕ دستی بم برآمد تہٕ یِم کٔرِکھ محفوٗظ پٲٹھۍ تباہ۔ اہلِکارَن مُطٲبِق گوٚو نہٕ پوٗرٕ کاروٲیی دوران کانٛہہ تہِ جٲنی یا مٲلی نۄقصان۔ سرکٲرِ ذرایعَو وون زِ متین پولیسَن تہٕ فوجَن کٔر مَتین پولیس تھانہٕ کِس دٲیرٕ اختیارَس تحت سر ہمدانَس منٛز جنگلاتی علاقَس منٛز تلاشی تہٕ گھیرٕ بندی ہٕنٛز کاروٲیی ۔ تلاشی دوران لٔبۍ سیکیورٹی اہلکارَن زٕ چینٕک بناونہٕ آمٕتۍ زٕ زِنٛدٕ گرنیڈ۔ گرنیڑ برآمد گژھنہٕ پتہٕ دستی آو بم ناکارٕ بناونُک سکواڈ ضِلعہٕ پُلیٖس لاینَن اننت ناگ پٮ۪ٹھٕ بُلاونہٕ۔ ماہرینَن ہٕنٛزِ ٹیٖمہِ