وزیر اعظم مودی برونائی تہٕ سنگاپور دورس پٮ۪ٹھ روانہٕ

ؤزیٖر اعظم نریندر مودیَن کوٚر آز وۄمید زِ برونائی دارالسلام تہٕ سِنٛگاپورُک تٔمۍ سٕنٛدِ دورٕ سۭتۍ گژھِ ہندوستان تہٕ آسیانَس درمیان شراکتَت مٔزیٖد مضبوٗط۔ ہِنٛدُستٲنہِ برادٔری ہِنٛدیٚن لُکن ہِنٛدِس استقبالس منٛز شِرکت کرنہٕ علاوٕ کَرِ سُہ ہِنٛدُستٲنہِ ہایی کٔمِشنَس منٛز نَیہِ چانسری عمارتُک افتتاح تہِ۔ سُہ گژھِ رٲژ عمر علی سیف الدین مسجدِ ہُنٛد دورٕ۔
مودیَن ووٚن پننہِ روانگی برٛونٛہہ أکِس بیانَس منٛز زِ "آز چھُس بہٕ برونائی دارالسلام پنُن گۄڈٕنیُک دوطرفہ دورٕ کران”۔ ییٚلہِ أسۍ پننٮ۪ن سِفارتی تعلُقاتن ہٕنٛدۍ 40 ؤری مناوان چھِ، بہٕ چھُس عزت مآب سلطان حاجی حسن البلکیا تہٕ شٲہی خانٛدان کٮ۪ن باقٕے ممتاز رُکنن سۭتۍ مُلاقات کرنُک منتظر تاکہ سٲنۍ تٲریٖخی تعلقات نٔوٮ۪ن تھزرن پٮ۪ٹھ واتناونہٕ۔دورٕ کِس دوٚیمِس مرحلَس منٛز ووٚن وزیر اعظمَن زِ برونائی پٮ۪ٹھٕ گَژھٕ بہٕ 4 ستمبر سِنٛگاپور۔