بیجاپوٗرَس منٛز 13 ماؤنواز گِرِفتار۔

چھتیس گڑھ کِس بیجاپوٗر ضِلعس منٛز کٔر بۄموارِ دۄہ ترٛےٚ ماؤنواز فوجَو گرفتار یِم نکسل آپریشنَس پٮ۪ٹھ ٲسۍ گٔمٕتۍ۔
یِمو منٛزٕ چھِ شےٚ ماؤنواز ٹرم پٮ۪ٹھٕ تہٕ سَتھ گنگلور پُلیٖس تھانہ علاقہٕ پٮ۪ٹھٕ گِرِفتار کرنہٕ آمٕتہِ ۔یِم سٲری ماؤنواز ٲسہِ طاقتور دھماکہٕ خیز آلات (آٮٔی ای ڈی) لگاونَس منٛز، دھماکہٕ کرنس تہٕ ماؤنواز تنظیمٕچ تشہیر کرنس منٛز شٲمِل۔ حٲصِل گٔمٕژِ معلوٗمات مُطٲبِق ٲس پُلیٖس ٹیٖم دی گنٛگلوٗر جنٛگلس منٛز تلاشی کاروٲیی خٲطرٕ گٔمٕژ۔ اتھہِ دوران ہیوٚت کینٛہہ لوٗکھ پُلیٖس وُچھنہٕ پتہٕ ژلٕنہِ شروٗع۔ اَمہِ پتہٕ کوٚر فوجیَو گیرٕ بٔنٛدی تہٕ کٔرٕکھ سَتھ نَفر حراستَس منٛز تہٕ کٔرٕکھ یِمو سارِوٕے چھِ پنُن پان سکھو پدم عرف (58)، لچھو مادوی (30)، راگھو کرسم (33)، نارائن کرسم (52)، پیکو کورسا (33)، گڈو پونم (28) تہٕ منگو پونم (43) پٲٹھۍ شناخت کوٚرمُت۔ییٚلہِ زن بیٛاکھ ٹیم ٹرمس کُن اوس گژھان۔ اَتھ منٛز ٲسہِ اسپیشل ٹاسک فورس (ایس ٹی ایف) اہلکار تہِ شٲمِل۔ ٹیمَن رٔٹۍ ٹرم کِس جنگلَس منٛز شےٚ نفر۔ یِمَن منٛز چھِ مڈگام سونا (27)، ایڈم چھوٹو (20)، ڈوڈی ارجن (25)، ڈوڈی جوگا (22)، اویم ہداما (25)، آیتو اویم (20) شٲمِل۔