وزیر اعظم مودیَن کوٚر گریٹر نوئیڈاہَس منٛز انڈیا ایکسپو مارٹَس منٛز سیمیکون انڈیا 2024 ہُک افتتاح
وزیر اعظم نریندر مودی یَن کوٚر آز گریٹر نوئیڈا، اتر پردیشَس منٛز انڈیا ایکسپو مارٹَس منٛز سیمیکون انڈیا 2024 ہُک افتتاح۔ سیمیکون انڈیا 2024 چھُ 11 پٮ۪ٹھ 13 ستمبر تام "سیمی کنڈکٹر فیوچر شیپنگ” تھیمس سۭتۍ منعقد کرنہٕ یِوان۔ ترٛٮ۪ن دۄہَن ہٕنٛز یہِ کانفرنس کرِ ہندوستانٕچ سیمی کنڈکٹر حکمت عملی تہٕ پالیسی ہٕنٛز عکٲسی یتھ منٛز ہندوستانَس سیمی کنڈکٹرَن ہُنٛد عالمی مرکز پٲٹھۍ تصور چھُ یِوان کرنہٕ۔ سرکردہ عالمی سیمی کنڈکٹر کمپنین ہٕنٛدۍ سرکردہ رہنما چھِ اتھ منٛز حصہٕ نِوان تہٕ اتھ چھِ سیمی کنڈکٹر انڈسٹری ہٕنٛدۍ عالمی رہنماؤن، کمپنین تہٕ ماہرینن یکوٹہٕ اننُک موقعہٕ مِلان۔ کانفرنسس منٛز چھِ 250 کھۄتہٕ زِیٛادٕ نمائش کنندگان تہٕ 150 مقررین حصہٕ نِوان۔
سمی کِس سی ای او، اجیت منوچاہن کٔر سیمیکون انڈیا 2024 ہَس منٛز استقبالٕچ تعٲریٖف تہٕ دۄن اَہَم لفظَن پٮ۪ٹھ زور دِیُت- ‘بے مثال’ تہٕ ‘تیزی سان ترقی’۔