سپریم کورٹَن کٔر ممتا بنرجی وزیر اعلیٰ پٮ۪ٹھ ہٹاونٕچ عرضی رَد۔

سپریم کورٹَن کٔر بۄموارِ دۄہ اکھ عرضی خٲرج یَتھ منٛز 9 اگست کلکتہ کِس آر جی کار میڈیکل کالج ہسپتالَس منٛز أکِس تربیت یافتہ ڈاکٹرَس سۭتۍ مبینہ عصمت دری تہٕ قتل کِس سلسلَس منٛز مغربی بنگالٕچ وزیر اعلیٰ ممتا بنرجی پننہِ عہدٕ پٮ۪ٹھ ہٹاونٕچ ہدایت دِنٕچ درخواست ٲس کٔرمٕژ تہٕ اتھ معاملَس منٛز وکیلَس سخت وارننگ دِژمٕژ۔ چوڑ تہٕ جسٹس جے بی پردی والا تہٕ منوج مشرا سٕنٛدِ بیٚنچن کٔر پَنُن پانَے موٹو کیسٕچ شُنوٲیی کران أکِس عرضی پٮ۪ٹھ سخت اعتراض تہٕ کوٚرُن مُتعلقہٕ ؤکیٖلَس خبردار زِ سُہ کرِ عدالتٕچ کاروٲیی رُکاونہٕ۔ بیٚنچن ووٚن ؤکیٖلَس زِ اگر تِم اتھ (عدالت) اکھ سیٲسی فورم مانان چھِ، تیٚلہِ یِن تِمَن عدالتٕچ کاروٲیی منٛز حصہٕ نِنہٕ نِش رُکاونہٕ