سیتارمنس خٕلاف ایف آٮٔی آر درٕج کرنُک حُکُم۔

کرناٹک کِس بنگلوروَس منٛز أکۍ خصوٗصی عدالتَن دِیُت پولیسَس مرکزی وزیر خزانہ نرملا سیتارامن تہٕ باقین خٕلاف بھتہ خوری ہٕنٛدِس الزامَس منٛز ایف آٮٔی آر درٕج کرنُک حُکم۔ جن ادھیکار سنگھرش پریشد (جے ایس پی) کِس شریک چیئرمین آدرش ایر سٕنٛدِ طرفہٕ الیکٹورل بانڈ سۭتۍ وابستہٕ شِکایتَس منٛز چھِ جَب وصوٗلی ہُنٛد الزام لگاونہٕ آمُت۔ بی جے پی ہُک قومی صدر جے پی نڈا، کرناٹک ریاستی بی جے پی ہُک سٲبقہٕ صدر نلن کمار کٹیل تہٕ وجیندر یدی یورپا تہِ چھِ اتھ معاملَس منٛز شٲمِل۔
اپریل 2024 ہَس منٛز دٲخل کرنہٕ آمٕژ شِکایتَس منٛز چھُ داواہ کوٚرمُت زِ 2019 تہٕ 2022 ہَس درمیان آیہِ الیکٹورل بانڈ ذٔریعہٕ واریاہ زیادٕ رقم جمع کرنہٕ، یَتھ منٛز أکِس کارٕبٲرۍ سٕنٛزِ کمپنی ہٕنٛدِ طرفہٕ 230 کرور رۄپیہِ تہٕ أکِس فارما کمپنی پٮ۪ٹھ 49 کرور رۄپیہِ شٲمِل چھِ۔
خصوٗصی عدالتَن چھُ پُلیٖسس فوری طور تٔحقیٖق شُروٗع کرنٕچ ہِدایت تہِ دِژمٕژ