کولگام انکاونٹر: ترٛےٚ فوجی جوان، اکھ پولیس اَفسَر زخمی، آپریشن چھُ وُنہِ تہِ جٲری: آئی جی پی کشمیر

جنوٗبی کشمیر کِس کُلگام ضِلعہٕ کِس اڈیگام دیوسر گامَس منٛز گٔیہِ سیکورٹی فورسَن تہٕ دہشت گردَن درمِیان مُقابلَس منٛز فوج کِس ترٛےٚ اہلکار تہٕ اکھ پولیس افسر زخمی ۔ انسپکٹر جنرل آف پولیس (آئی جی پی) کشمیر وی کے بردی یَن ووٚن میڈیاہَس مُقابلَس مُتعلِق: "سیکورٹی فورسَن مِلیوٚو راتھ ژیٖرۍ رٲژ اڈیگام علاقَس منٛز دہشت گردَن ہٕنٛز نقل و حرکتَس مُتعلِق اطلاع ۔ تٔمۍ ووٚن زِ ییٚلہِ سیکورٹی فورسَو علاقَس گیرٕ بٔنٛدی کٔرِتھ تلاشی آپریشن شُروٗع کوٚر، تَتہِ ژوٗرِ روزَن وٲلۍ دہشت گردَو کٔر گولہِ چلٲوِتھ، ییٚمہِ کِس نٔتیٖجس منٛز دۄشوٕنی فریقَن درمیان مُقابلہٕ گوٚو یُس وُنہِ تہِ جٲری چھُ”۔ تٔمۍ ووٚن زِ ترٛےٚ فوجی اہلکار تہٕ اکھ پولیس اَفسَر گٔیہِ زخمی تہٕ یِہنٛز حالت چھِ ٹھیٖک۔ آٮٔی جی پی یَن ووٚن زِ مُقابلہٕ مۄکلنس لَگہِ کینٛہہ وقت