وزیر اعظم کَرِ آز جوٚمِس منٛز اِنتِخابی ریلی خطاب۔

ؤزیٖر اعظم نریندر مودی کَرِ آز مولانا آزاد سٹیڈیمَس منٛز واریاہَن سطحَن پٮ۪ٹھ حِفاظتی اِنتِظامَن درمیان أکِس اِنتِخابی ریلیہِ منٛز خطاب ۔ ترٛٮ۪ن مرحلن ہِنٛدین اسمبلی اِنتِخاباتن دوران آسہِ یہِ ؤزیٖر اعظم سُنٛد جموں و کشمیرُک ژوٗرِم دورٕ۔ بی جے پی رہنُما چھِ وزیر اعظم سُنٛد دورٕ واریاہ اَہَم قرار دِوان۔ تٔمۍ ووٚن زِ وزیر اعظم سُنٛد دورٕ اوس اِنتِخابات کِس ترٛیٚیِمِس تہٕ ٲخری مرحلَس منٛز اَہَم یَتھ منٛز جموں صوبَس منٛز 24 سیٹَن پٮ۪ٹھ پولنگ گژھَن وٲلۍ چھِ تہٕ اَکہِ لَچھ کھۄتہٕ زِیٛادٕ لوٗکَن ہٕنٛدِ ریلیَس منٛز شٲمِل گژھنٕچ وۄمید چھِ۔ أتھہِ دوران چھِ ؤزیٖرِ اعظم سٕنٛدِ دورٕ کِنہِ حُکامو جموں شہرس أنٛدِ پٔکہِ حِفاظتٕکہِ سخٕت اِنتِظام کٔرِمٕتہِ تہٕ سٹیڈیمَس منٛز تہٕ اَتھ أنٛدِ پٔکہِ چھِ بٔڑِس تعدادَس منٛز سیکورٹی اہلکار تعینات کرنہٕ آمٕتہِ ۔
اسمبلی اِنتِخابات کِس ترٛیٚیِمِس تہٕ ٲخری مرحلہٕ خٲطرٕ یِیہِ جموں و کشمیرس منٛز کُل 90 سیٹو منٛزٕ سَتن ضِلعن ہِنٛزن 40 سیٖٹن پیٚٹھ پولنگ کرنہٕ۔