جموں و کشمیرُک سٲبقہٕ وزیر مشتاق بخاری گُزرٮ۪و، عمر عبداللہ، محبوبہ مفتی تہٕ رویندر ریناہن کوٚر دۄکھُک اِظہار۔

سٲبقہٕ ؤزیٖر تہٕ سارنکوٹ اسمبلی حلقہٕ پٮ۪ٹھ بی جے پی وۄمیدوار مشتاق احمد بخاری گُزریٛوو بۄدوارِ دۄہ صُبحٲے پوٗنچھ منٛز پننہِ روزنٕچہِ جایہِ پٮ۪ٹھ۔
سُہ اوس 75 وُہُر تہٕ أمِس پتہٕ چھِ زٕ کورِ تہٕ اکھ نیٚچُو۔
ذٔرایعو مُطٲبِق اوس نہٕ مشتاق بخاری سُنٛد صحت کینٛہَس کالَس اصل تہٕ بۄدوارِ دۄہ صُبحٲے گوٚو سُہ پنٛنہِ روزنٕچہِ جایہِ پٮ۪ٹھ بے ہوش تہٕ شایَد موٗد دِل بنٛد گژھنہٕ کِنہِ ۔
مشتاق بخاری اوس جموں علاقہٕ کِس أکِس خصوٗصی درج فہرست قٔبیٖلہٕ حلقہٕ سارنکوٹ پٮ۪ٹھٕ بی جے پی وۄمیدوار۔ اَمہِ سیٖٹہِ خٲطرٕ آیہِ 25 ستمبر پولنگ کرنہٕ۔
دۄیہِ لَٹہِ ؤزیٖر بُخاری اوس ژۄن ؤرِین ہِنٛزِ وابستگی پتہٕ نیشنل کانفرنسس سۭتہِ تعلُقات ختم کرنہٕ پتہٕ ییٚمہِ ؤرۍ یہِ فرؤریَس منٛز بی جے پی یَس منٛز شٲمِل گوٚمُت۔
أتھۍ دوران کوٚر جموں و کشمیرٕک سٲبقہٕ وزیر اعلیٰ عمر عبداللہ، محبوبہ مفتی تہٕ بی جے پی کِس جموں و کشمیر یونٹ کِس صدر رویندر ریناہن بخاری سٕنٛدِس مرنَس پٮ۪ٹھ سٮ۪ٹھاہ دۄکھُک اِظہار۔