اننت ناگ سڑک حٲدثَس منٛز اکھ ہلاک، زٕ زخمی۔

جنوٗبی کشمیر کِس اننت ناگ ضلعہٕ کِس ویری ناگ علاقَس منٛز بۄدوارِ دۄہ صُبحٲے گوٚو أکِس سڑک حٲدثَس منٛز اکھ پیدل چلن وول ہلاک تہٕ زٕ زخمی ۔
ذٔرایعَو ووٚن زِ بۄدوارِ دۄہ صُبحٲے اننت ناگ کِس ویریناگ علاقَس منٛز بوناگنڈ روڈَس پٮ۪ٹھ آلٹو گاڑِ ترٛٮ۪ن راہگیرَن ٹاس دِنہٕ سۭتۍ گوٚو اکھ راہگیر ہلاک تہٕ زٕ زخمی ۔
تٔمۍ ووٚن زِ زخمیَن آیہِ علاج خٲطرٕ جلدٕی ضِلعہٕ ہسپتال اننت ناگ نِنہٕ۔
مرن والٮ۪ن ہٕنٛز شناخت چھِ غنی میر سُنٛد نیٚچُو 67 وُہُر غلام نبی میر پٲٹھۍ کرنہٕ آمٕژ، ییٚلہِ زن زخمیَن ہٕنٛز شناخت 62 وُہُر حسینہ سٕنٛز خانٛدارِنۍ غلام نبی تہٕ 46 وُہُر مشتاق احمد میر چھِ یُس چناگنڈ ڈوروُک روزَن وول چھُ۔
أتھہِ دوران چُھ پُلیٖسن اَتھ مُتعلِق اکھ مُقدِمہٕ درٕج کوٚرمُت تہٕ کٔرٕن تٔحقیٖقات شُروع۔