نیشنل کانفرنس قونوٗن ساز پارٹی ہُنٛد اجلاس از۔

نیشنل کانفرنسٕچ مقننہ پارٹی کَرِ آز دُپہرَس پنُن رہنما منتخب کرنہٕ خٲطرٕ اکھ اجلاس۔ پارٹی ذرایعو مُطٲبِق چھُ پارٹی ہٕنٛز قانون ساز اسمبلی ہٕنٛدٮ۪ن تمام رُکنن تہٕ آزاد قانون سازَن یِم اتھ سلسلَس منٛز نیشنل کانفرنسَس منٛز شٲمِل گژھَن وٲلۍ چھِ، تِمَن چھِ رٲبطہٕ سوزنہٕ آمُت۔ ذٔرایعو مُطٲبِق یِیہِ رہنُما ژارنہٕ علاوٕ اِتحٲدی شٔریٖک کانگریسس سۭتہِ اِجلاسس دوران حُکوٗمت بناونَس پٮ۪ٹھ تہِ کَتھ باتھ کرنہٕ۔ تٔمۍ ووٚن زِ اتھ وقتس دوران کَرِ قانون ساز کامن منی میم پروگرامَس پٮ۪ٹھ تہِ کَتھ باتھ۔
پارٹی ہُنٛد نٲیِب صدٕر عمر عبداللہَن ووٚن راتھ میڈیاہَس زِ پارٹی ہٕنٛز قونوٗن ساز پارٹی ہٕنٛز میٹنگ یِیہِ برٛسوارِ دۄہ مُنعقد کرنہٕ، اَمہِ پتہٕ یِیہِ اتحادَس سۭتۍ مُلاقات کرنہٕ۔ تٔمۍ ووٚن زِ اَمہِ پتہٕ یِیہِ راج بھونس منٛز حکومت بناونُک دعوا کرنہٕ۔ تٔمۍ ووٚن یہِ تہِ زِ یِنہٕ والٮ۪ن کینٛہَن دۄہَن منٛز یِیہِ حکومت بناونہٕ۔ نیشنل کانفرنس اُبرٮ۪و جموں و کشمیرَس منٛز حالٕے اسمبلی اِنتِخابَن ہٕنٛدٮ۪ن نٔتیٖجَن منٛز 43 سیٹہٕ حٲصِل کٔرِتھ وٲحِد سارِوٕے کھۄتہٕ بٔڑ پارٹی پٲٹھۍ۔