دِلہِ گاڑِ دھماکَس منٛز ٲٹھ ہلاک، شےٚ شدید زخمی.
نزدیٖکی سرکٲرۍ ایل این جے پی ہسپتال کِس أکِس سینئر میڈیکل افسرَس مُطٲبِق گٔے ژٔنٛدٕروارِ دۄہ شامَس دارالحکوٗمت کِس لال قلعہ میٹرو سٹیشنَس نزدیٖک أکِس کار دھماکَس منٛز ٲٹھ نَفر ہلاک تہٕ شےٚ شدید زخمی۔ دھماکہٕ پتہٕ لوٚگ واریاہَن گاڑٮ۪ن نار، تہٕ یتھ گاڑِ منٛز دھماکہٕ گوٚو سۄ گٔیہٕ پوٗرٕ پٲٹھہِ تباہ۔ ایل این جے پی ہسپتالٕکۍ میڈیکل سپرنٹنڈنٹ ڈاکٹر بی ایل چودھری یَن ووٚن زِ ‘ٲٹھ زخمی موٗدۍ ہسپتال واتنہٕ برٛونٛہٕے۔ شےٚ نفر چھِ تشویشناک حالژ منٛز ہسپتالَس منٛز دٲخٕل کرنہٕ آمٕتۍ۔ أکِس نفرٕ سٕنٛز حالت چھےٚ ٹھیٖک۔’
واقعہٕ پتہٕ واژٕ دستی دِلہِ پُلیٖس اَفسَرن تہٕ باقٕے تفتیشی ایجنسیَن ہِنٛزِ ٹیٖمہٕ واقعہٕ جایہِ تہٕ سپٕدۍ بچاو تہٕ تفتیشی کاروٲیی منٛز آوٕرۍ۔
پوٗرٕ دِلہِ منٛز آو ریڈ الرٹ جٲری کرنہٕ۔ ایجنسی چھےٚ دھماکہٕ کٮ۪ن مُختٔلِف پہلوَن ہٕنٛز چھان بین کران۔