پی ڈی پی صدر محبوبہ مفتی سُنٛد دِلہِ دھماکَس پٮ۪ٹھ غمُک اِظہار، مُتٲثِر خاندانَن سۭتۍ تعزیت۔

پیپلز ڈیموکریٹک پارٹی (پی ڈی پی) ہٕنٛز صدر تہٕ سٲبقہٕ وزیر اعلیٰ محبوبہ مفتی کوٚر أکِس بیانس منٛز لال قلعہ میٹرو سٹیشنَس نزدیٖک گاڑِ دھماکَس پٮ۪ٹھ سٮ۪ٹھاہ غمُک اِظہار، محبوبہ مفتی ووٚن أکِس بیانَس منٛز "بہٕ چھُس دِلہِ منٛز افسوسناک گاڑِ دھماکٕچ خبر بوٗزِتھ سٮ۪ٹھاہ دۅکھ زد یَتھ منٛز ٲٹھ قۭمتی جان ضایع تہٕ واریاہ جان زخمی سپٕدۍ ۔میون دِل چُھ تِمن خاندانن خٲطرٕ دۅکھ زد یِمن پنٕنۍ ٹٲٹھۍ رٲوۍ تہٕ لفظ ہٮ۪کن نہٕ تِہٕنٛز دَگ کم کٔرِتھ۔ بہٕ چھس زخمیَن ہٕنٛز جلدٕی صحت یابی باپتھ دُعا کران تہٕ وۄمید چھُس کران زِ امہِ سانحہٕ پتہٕ یِن وجوہات جل ظٲہِر کرنہٕ۔’