عمر عبداللہ ہَن کوٚر مدینس منٛز افسوسناک سڑک حٲدثس پیٹھ غمُک اظہار
جموں و کشمیرٕکۍ وزیر اعلیٰ عمر عبداللہ ہَن کوٚر ژٔنٛدٕروارِ دۄہ صُبحٲے مدینہٕ منورَس منٛز پیش یِنہٕ وٲلِس افسوسناک سڑک حٲدثس پیٹھ سٮ۪ٹھاہ غمُک اظہار۔
تٔمۍ کٔر سوگوار خاندانَن سۭتۍ دِلہٕ تعزیتی اظہار تہٕ کٔرٕن زخمیَن ہٕنٛز جلدٕی صحت یاب گژھنُک دُعا۔
وننہٕ چھُ یِوان زِ ژٔندٕروارِ دۄہ صُبحٲے مدینہ طیبہ ہَس منٛز أکِس گاڑِ حٲدثس منٛز گٔے 42 عمرہ زائرین ہلاک، یِمَن منٛز زیادٕ تر حیدرآبادٕکۍ چھِ وننہٕ یِوان۔
عمر عبداللہ ہَن کوٚر اَتھ واقعَس پٮ۪ٹھ سٮ۪ٹھاہ غمُک اظہار۔
وزیر اعلیٰ سٕنٛدِس دفترَس ‘ایکس’ ہینڈلَس پٮ۪ٹھ چھُ أکِس پوسٹَس منٛز ونٛنہٕ آمُت: ‘وزیر اعلیٰ ہَن کوٚر اَز صُبحٲے سعودی عربُک مدینہٕ منورہَس منٛز أکِس افسوسناک حٲدِثس پیٹھ سٮ۪ٹھاہ غمُک اِظہار یَتھ منٛز ہندوستٲنۍ زائرین نِنہٕ واجنہِ بس شٲمِل ٲس’۔
پوسٹَس منٛز اوس وننہٕ آمُت: ‘تٔمۍ کٔر سوگوار خاندانَن سۭتۍ دِلہٕ تعزیتی اظہار تہٕ کوٚرُن زخمیَن ہٕنٛدِ جلدٕی صحت یاب گژھنہٕ خٲطرٕ دُعا۔’