شیخ حسینہ سٕنٛدِ استعفہٕ پتہٕ کوٚر امریکہَن عبوری حکومت بناونُک خیرمقدم

واشنگٹن: امریکہَن چھُ بنگلہ دیشَس منٛز پرتشدد صورتحال تہٕ سٲبقہٕ ؤزیٖر اعظم شیخ حسینہ سٕنٛدِ استعفہٕ پتہٕ بنٛگلہ دیشَس منٛز عبوری حکومت بناونُک خیرمقدم کوٚرمُت تہٕ تمام جماعتَن پٮ۪ٹھ زور دِیُت زِ تِم کرَن تحمل برتُن۔
محکمہٕ خارجہ کِس ترجمانَن میتھیو ملرن ووٚن نامہ نگارَن زِ "أسۍ چھِ تمام جمٲژن مزید تشددَس نِش پرہیز کرنُک مُطالبہٕ کران، پٔتمٮ۪ن کینٛہَن ہفتَن منٛز چھِ واریٛاہ جانہٕ گٔمٕتۍ، تہٕ أسۍ چھِ یِنہٕ والٮ۪ن دۄہَن منٛز پرسکون تہٕ تحمل ہُنٛد مطالبہٕ کران”۔

حسینہَن کٔر جولائی کِس شروٗعاتَس پٮ۪ٹھ پننہِ حکومتَس خِلاف مُلکَس منٛز احتجاجَن ختم کرنٕچ کوٗشش، مگر آتھٕوارِ دۄہ گٔیہِ سول نافرمانی تحریٖک کِس گۄڈٕنِکِس دۄہ پوٗرٕ مُلکَس منٛز پولیس تہٕ مُظٲہرَن درمِیان جھڑپن منٛز تقریباً 100 افراد ہلاک۔
حسینہَن دِیُت آتھٕوارِ دۄہ تام مُلکَس منٛز پرتشدد احتجاجَن منٛز 300 کھۄتہٕ زِیٛادٕ افراد ہلاک گژھنہٕ پتہٕ وزیر اعظم پٮ۪ٹھ اِستِفہٕ تہٕ آرمی چیف قمر الزمانَن کوٚر آز مُلکَس منٛز عبوری حکومت بناونُک اعلان