سپریم کورٹَن دِیُت حجابَس پٮ۪ٹھ پابندی لگاونہٕ کِس ممبئی کالجُکِس حُکمس رُکاوٹ۔

نئی دہلی: سپریم کورٹَن دِیُت جُمعہ دۄہ ممبئی کالجس منٛز طالبہِ علمَن ہٕنٛدِ طرفہٕ حجاب، نقاب ، ٹوپی یا مذہبی بیجَن ہٕنٛدِس استعمالَس پٮ۪ٹھ پابندی لگاونہٕ کِس سرکلر کہِ ذٔریعہٕ جٲری کرنہٕ آمتِس أکِس حکمَس پٮ۪ٹھ رُکاوٹ۔ بیٚنچن پرٛژھ کالج انتظامیہ یہِ تہِ زِ تِمو کیٛازِ کوٚر آزٲدی ہِنٛدِ واریٛاہ ؤرۍ یَو پتہٕ اچانک یہِ سرکلر جٲری کرنُک فٲصلہٕ۔ اَتھ پٮ۪ٹھ ووٚن کالجس طرفہٕ پیش گژھَن وٲلۍ ؤکیٖلَن زِ یہِ کالج اوسُکھ 2008 منٛز قٲیِم کوٚرمُت۔ سرکلرَس پٮ۪ٹھ عبوری رُکاوٹ دِوان ووٚن سپریم کورٹَن زِ سُہ کَرِ بیٛکہِ 18 نومبر 2024 ہَس منٛز معاملٕچ شُنوٲیی۔ وۄنٛہِ گوٚو، بیٚنٛچن ووٚن واضح زِ کلاسَن منٛز ہیٚکو نہٕ برقعہٕ دِنُک اِجازت دِنہٕ۔ أتھہِ وِزِ ووٚن بیٚنٛچن زِ أسۍ چھِ وۄمید کَران زِ کانٛہہ تہِ کَرِ نہٕ امہِ حُکُمُک غلط استعمال۔