شری امرناتھ یاترا لگاتار دویمہِ دۄہہ معطل

سرینگر: وسطی کشمیر کِس گاندربل ضلعہٕ کِس بالتال بیس کیپ پٮ۪ٹھ روٗز شری امرناتھ جی یاترا ژٔنٛدٕروارِ دۄہ لگاتار دوٚیمہِ دۄہ رُکاونہٕ۔ سیٚٹھا روٗد پینہٕ کِنہِ آیہِ آتھٕوارِ دۄہ یاترا رُکاونہٕ۔
حُکامن ووٚن زِ ژٔنٛدٕروارِ دۄہ تہِ آو نہٕ زائرین ہِنٛدِس قافلہ گنٛدربل کِس بالتال بیس کیمپٕ پٮ۪ٹھٕ پُتر گھپا کُن گژھنُک اِجازت۔ تٔمۍ ووٚن زِ ٹریک، ییٚمِچ مرمت ٲس کرنہٕ یِوان، آتھٕوارِ دۄہ روٗد پینہٕ سۭتۍ گوٚو نۄقصان واتناونہٕ۔
أتھہِ دوران آیہِ جٔنوٗبی کٔشیٖرِ ہِنٛدِس نانوٗن پہلگام بیس کیمپٕ پٮ۪ٹھٕ 6 اگست سیٚٹھا روٗد پیٚنہٕ کِنہِ یاترا رُکاونہٕ۔ حکامَو ووٚن زِ نانون پہلگام وتہِ پٮ۪ٹھ چھِ مرمت ہٕنٛز کٲم تہِ جٲری۔

29 جوٗن شُروٗع گَژھن واجنہِ یاترا دوران چھِ وُنیُک تام 5 لَچھ کھۄتہٕ زِیٛادٕ زائرین کٔشیٖرِ منٛز 3,880 فُٹ تھزرَس پٮ۪ٹھ واقع مقدس گھوپا کِس درشن سۭتۍ فٲیدٕ تُلمُت، ییٚمہِ کِنۍ پٔتمہِ ؤرۍ یہِ یاتراہُک رِکارڈ پھُٹروو۔ پٔتمہِ ؤرۍ یہِ چہِ یاترا دوران، یوٚس 62 دۄہَن تام جٲری روٗز، کٔر صِرِف 4.5 لچھ زائرین یاترا