نیپال وزیر اعظم اولین دِژ پننِس ہندوستٲنی ہم منصب نیپال گژھنٕچ دعوت۔

نیپالٕکۍ ؤزیٖر اعظم کے پی شرما اولیَن دِژ پننِس ہندوستٲنی ہم منصب نریندر مودیَس نیپال کِس سرکٲری دورٕ خٲطرٕ دعوت۔ وزیر اعظم اولیَن چھِ ہندوستٲنۍ خارجہ سکریٹری وکرم مصری سٕنٛدِ ذٔریعہٕ دعوت سوزمٕژ، تہٕ سُہ کرِییٚمۍ آتھٕوارِ دۄہ سِنٛگھا دربارَس منٛز تٔمِس سۭتۍ ملاقات ۔ یہِ چھِ حالٕیہ تقرری پتہٕ دۄشوٕنی مُلکَن درمیان گۄڈٕنِچ اعلیٰ سطحی کَتھ باتھ۔خارجہ سکریٹری وکرم مصری یَن کٔر ژٔنٛدٕروارِ دۄہہ نٲیِب ؤزیٖر اعظم تہٕ وزیر خزانہ بِشنوٗ پاڈیلس سۭتہِ شُکرانُک مُلاقات ۔وزارت خزانہَس منٛز مُنعقد گژھَن وٲلِس اجلاسَس منٛز کٔر دۄشوَو اقتصٲدی تہٕ ترقیٲتی تعاون، جٲری منصوبَن پٮ۪ٹھ پیشرفت، دۄشوٕنی مُلکَن درمیان دوطرفہٕ تعلقات تہٕ باقی مسلن پٮ۪ٹھ کَتھ باتھ۔مسٹر مصری یَن کوٚر نٲیِب ؤزیٖر اعظم تہٕ شہری ترقی ہِنٛدِس ؤزیٖر پرکاش مان سِنٛگھس ستۍ تہِ مُلاقات یتھ دوران دۄشوٕنی فرقَو نیپال-ہِنٛدُستان سرحَدس پٮ۪ٹھ نقل و حرکتَس سۭتہِ وابسطہٕ مسلن ہٮ۪تھ مُختٔلِف معاملَن پٮ۪ٹھ کَتھ باتھ۔