جموں و کشمیرس منٛز یِیہِ گۄڈٕنیُک اسمبلی اِنتِخابات 18، 25 ستمبر تہٕ 1 اکتوبر ترٛٮ۪ن مرحلن منٛز منعقد کرنہٕ۔ ہریانہ ہَس

منٛز یِن اسمبلی اِنتِخابات یکم اکتوبر أکِس مرحلَس منٛز کرنہٕ تہٕ دۄشوٕنی جایَن ہٕنٛدِ ووٹَن ہٕنٛز گنتی یِیہِ 4 اکتوبر کرنہٕ۔ چیف الیکشن کمشنر راجیو کمار، الیکشن کمشنر گیانیش کمار تہٕ ڈاکٹر سکھبیر سنگھ سندھوَن کوٚر جُمعہ دۄہ ییٚتہِ أکِس پریس کانفرنسَس منٛز جموں و کشمیرَس منٛز اِلیکشنَن ہٕنٛدٮ۪ن تٲریخَن ہُنٛد اعلان۔ کُمارَن ووٚن زِ 90 رکنی جموں و کشمیر اسمبلی ہٕنٛدِ انتخاباتَن ہٕنٛدِس گۄڈٕنِکِس مرحلَس منٛز 24 سیٹَن ہُنٛد نوٹیفکیشن یِیہِ 20 اگست جٲری کرنہٕ، امرناتھ جی یاترا ختم گژھنہٕ پتہٕ دۄہ تہٕ نامزدگی کاغذ ہٮ۪کَو 27 اگست تام دٲخل کٔرِتھ۔ نامزدگی کاغذن ہٕنٛز چھان بین یِیہِ 28 اگست تہٕ نامزدگی کاغذ واپس نِنٕچ ٲخری تٲریٖخ چھِ 30 اگست ۔
دوٚیمِس مرحلَس منٛز یِیہِ جموں و کشمیرَس منٛز 26 سیٹَن خٲطرٕ 25 ستمبر اِنتِخاب، ییٚمہِ خٲطرٕ 29 اگست نوٹیفکیشن جٲری یِیہِ کرنہٕ