70 مِس نیشنل فلم ایوارڈَن ہٕنٛدٮ۪ن زینن والٮ۪ن ہُنٛد اعلان

وزارت اطلاعات تہٕ نشرِیاتن کوٚر جُمعہ دۄہ 70 ہِمہِ نیشنل فلم ایوارڈز (2022) زینن والٮ۪ن ہِنٛدٮ۪ن ناون ہُنٛد اعلان۔
70 ہِمہِ نیشنل فلم ایوارڈ زینن والٮ۪ن ہُنٛد اعلان آو ییٚتہِ نیشنل میڈیا سینٹرَس منٛز کرنہٕ۔ 2022 ہَس منٛز کَرِ صدر مُختٔلِف زبانَن منٛز بَناونہٕ یِنہٕ والٮ۪ن بہتٔریٖن ہِنٛدُستٲنہِ فِلمن ہُنٛد اعزاز۔ یِمَن ایوارڈَن ہُنٛد اعلان آو بہتٔریٖن فِلمہِ پٮ۪ٹھٕ بہتٔریٖن اداکار تہٕ اداکارہ تام واریٛاہَن زمرَن منٛز کرنہٕ۔ 70 ہِم نیشنل فلم ایوارڈ چھِ یکم جنوری پٮ۪ٹھٕ 31 دسمبر 2022 تام سینسر بورڈ سۭتۍ تصدیٖق شُدٕ فلمَن دِنہٕ یِوان۔کنڑ سپر سٹار ریشبھ شیٹی یَن چھُ 70 مِس نیشنل فلم ایوارڈَس منٛز بہتٔریٖن اداکارُک ایوارڈ زیوٗنمُت۔ أمِس چھُ پنٛنہِ فِلمہِ ‘کانتا’ خٲطرٕ بہتٔریٖن اداکار سُنٛد ایوارڈ مِلٮ۪ومُت۔ ییٚمہِ ؤرۍ یہِ کِس جیوری منٛز ٲسۍ فیچر فلم جیوری ہُنٛد چیئرمین راہول رویل، نان فیچر فلم جیوری ہُنٛد چیئرمین نیلا مادھب پانڈا تہٕ سنیما جیوری پٮ۪ٹھ بہترین تحریرُک چیئرمین گنگادھر مدلیار شٲمِل۔ملیالم ڈراما آتماہَن زیوٗن بہتٔریٖن فیچر فلمہِ ہُنٛد ایوارڈ، ییٚلہِ زن نِتھیا مینن تہٕ مانسی پاریکھَن بہتٔریٖن اداکارہ ہُنٛد ایوارڈ زیوٗن۔