کشتواڑ جھڑپ: ژور فوجی زخمی، آپریشن چھُ جٲری۔

جموں و کشمیر کِس کشتواڑ ضلعہٕ کِس ڈگڈا جنگلی علاقَس منٛز گٔیہِ سیکورٹی فورسَن تہٕ دہشت گردَن درمِیان جٲری مُقابلَس منٛز ژور فوجی زخمی ۔
خبرو مُطٲبِق کٔر جُمعہ دۄہ دُپہرَس قٲبلِ اعتماد اطلاع مِلنہٕ پتہٕ سیکورٹی فورسَو کشتواڑ کِس ڈوگڈا جنگلی علاقَس گیرٕ بٔنٛدی تہٕ کٔرٕکھ تلاشی آپریشن شروع، یَتھ دوران تَتہِ موجود دہشت گردَو سیکورٹی فورسَن پٮ۪ٹھ اندھا دھند فائرنگ شروٗع کٔر۔

ذٔرایعو مُطٲبِق گٔیہِ گۄڈٕنِچہِ گولہِ بٲری منٛز ژور فوجی زخمی تہٕ یِم آیہِ علاج خٲطرٕ نزدیٖکی ہسپتالس منٛز منتقل کرنہٕ، ییٚتہِ أکِس سِپاہ سٕنٛز حالت تشویشناک روٗز