ہندوستانَس منٛز اگر کٲنٛسہَ سٕژن اژَِ تیٚلہِ کرن 140 کرور لوٗکھ دَگ محسوٗس: دھنکڑ

نٲیِب صدر جگدیپ دھنکھرَن دِیُت آز مُلکَس ذاتی مفاداتن تہٕ سیٲسی اختلافاتن نِش تھوٚد تھونَس پٮ۪ٹھ زور تہٕ ووٚنُن زِ کُنہِ تہِ صوٗرتہِ حالَس منٛز گژھہِ نہٕ قوم پرستی سۭتۍ سمجھوتہٕ کرنہٕ یُن تہٕ دُشمنن گژھہِ نہٕ حوصلہٕ افزٲیی کرنہٕ یِنۍ۔
اجمیرَس منٛز راجستھان چہِ سینٹرل یوٗنیورسٹی منٛز طالبہِ علِمَن خطاب کران ووٚن مسٹر دھنکرَن زِ کُنہِ تہِ صوٗرتہِ حالَس منٛز ہٮ۪کو نہٕ دُشمن ہٕنٛدٮ۪ن مفاداتن فروغ دِتھ۔ تٔمۍ ووٚن زِ "یہِ چھِ اکھ افسوسناک ، تشویشناک تہٕ فکر انگیز کتھ زِ سانہِ کینٛہہ گمراہ لوک چھِ آییٖنُک حلف نِنہٕ باووٚجوٗد ماجہِ زٔمیٖنَس نقصان واتناوان”۔ تِم چھِ قوم پرستی سۭتۍ سمجھوتہٕ کران تہٕ چھِنہٕ قومُک تصور سمجھنس منٛز ناکام۔ یہِ چھَنہٕ پَے زِ تِم کَمہِ خۄد مۄختٲری سۭتۍ چھِ بھارت ماتا سُنٛد خوٗن تراوُن یژھان۔ سٲنِس ہندوستانس منٛز، اگر سٕژِ ژٹنہٕ تہِ آسہِ، 140 کرور لوٗکَن گژھِ دَگ