حکوٗمتَن دِیُت حزب التحریر ملی ٹنٹ تنظیم قرار۔

حکوٗمتَن دِیُت برٛسوارِ دۄہ حزب التحریر اکھ "دہشت گرد تنظیم” قرار۔
مرکزی وزیر داخلہ امیت شاہن ووٚن سوشل میڈیا پلیٹ فارمَس پٮ۪ٹھ زِ یہِ چھُ سلامتی تہٕ خودمختٲری خٲطرٕ اکھ سٔنجیٖدٕ خطرٕ۔
شاہن ووٚن زِ "ؤزیٖر اعظم نریندر مودی سٕنٛزِ دہشت گردی خِلاف صفر برداشت کرنٕچہِ حیکمت عملی پتہٕ کوٚر وزارت داخلہَن آز حزب التحریر اکھ ‘دہشت گرد تنظیم’ قرار۔
تٔمۍ ووٚن زِ "یہِ تنظیٖم چھِ دہشت گردی ہٕنٛزن مُختٔلِف عملَن منٛز شٲمِل، یَتھ منٛز بےٚ گناہ نوجوانَن دہشت گرد تنظیمَن منٛز شٲمِل کرُن تہٕ دہشت گرد سرگرمیَن باپتھ فنڈ جمع کرُن شٲمِل چھُ یِم ہندوستانٕچ قومی سلامتی تہٕ خودمختٲری خٲطرٕ سٔنجیٖدٕ خطرٕ چھِ”۔
تٔمۍ ووٚن زِ مودی سرکار چھِ دہشت گردی ہٕنٛدٮ۪ن قوتن سۭتۍ مضبوٗطی سان مُقابلہٕ کٔرِتھ ہندوستان محفوظ بناونَس پٮ۪ٹھ پرعزم ۔ “