کانگریسَن کوٚر ہریانہ ہارنٕکٮ۪ن وجوہاتن ہُنٛد جٲیزٕ۔

ییٚلہِ زن کانگریس ہریانہ اسمبلی اِنتِخابس منٛز پنٛنہِ زبردست شکستہٕ کہِ صدمہٕ نِش نٮ۪بر نیرنس منٛز ناکام، اَمہِ کیٚن اعلیٰ رہنُماہن کوٚر برٛسوارِ دۄہ اِنتِخابی نٔتیٖجَن ہُنٛد اعلان گژھنہٕ پتہٕ اَکہِ دۄہ شِکستُک وجوُحات معلوم کرنہٕ خٲطرٕ سرٛنۍ بَحَژ کرنہٕ خٲطرٕ اکھ اجلاس۔
کانگریسُک خزانچی تہٕ پارٹی ہُنٛد سینئر رہنُما اجے ماکن، یُس اجلاسَس منٛز موجود اوس، ووٚن میٹنگہِ پتہٕ ییٚتہِ صحافیَن زِ تمام رہنُماہن کٔر سرٛنۍ بَحَژ تہٕ کٔرٕکھ ہارنٕکۍ وجوٗہاتن ہُنٛد جٲیزٕ۔
اجلاسَس منٛز ٲسۍ کانگریس صدر ملیکارجن کھڑگے، لوک سبھاہَس منٛز اپوزیشن لیڈر راہول گاندھی، پارٹی جنرل سکریٹری آرگنائزیشن کے سی وینو گوپال، پارٹی ہُنٛد سینئر لیڈر اشوک گہلوت ، پارٹی ہُنٛد ہریانہ انچارج دیپک بابریا تہٕ ہریانہ پارٹی سکریٹری شٲمِل۔
"پرٛٮ۪تھ کانٛہہ چھُ زانان زِ ہریانہ اِلیکشنُک نٔتیٖجہٕ اوس غٲر متوقع ۔ ایکزِٹ پول تہٕ اِنتِخابی نٔتیٖجَن منٛز اوس واریاہ فرق۔ أسۍ چھِ اِنتِخٲبی نٔتیٖجَن سۭتۍ وابستہٕ مُختٔلِف وجوہاتن پٮ۪ٹھ بَحَژ کٔرمٕژ، یِمَن پٮ۪ٹھ