جموں و کشمیر بینکَن کٔر مُلٲزمَن ہٕنٛدِ خٲطرٕ ویلیو ایڈڈ بینکنگ حلَن باپتھ ایس ایم وی ڈی یونیورسٹی کٹرا ہَس سۭتۍ شراکت۔

ادارٕ جاتی شراکت داری مضبوٗط کرنہٕ تہٕ مشہوٗر تنظیٖمَن ہٕنٛدٮ۪ن مُلٲزمَن ویلیو ایڈڈ بینکنگ حل فراہم کرنٕچ کوٗشِش جٲری تھٲوِتھ کٔر جموں و کشمیر بینکَن از شری ماتا ویشنو دیوی یونیورسٹی (ایس ایم وی ڈی یو)، کاکریال، کٹرا ہَس سۭتۍ کارپوریٹ سیلری پیکیجَس (سی ایس پی) تحت أکِس مفاہمتی یادداشت (ایم او یو) پٮ۪ٹھ دستخط۔ یہِ معاہدٕ دِیہِ یونیورسٹی ہٕنٛدٮ۪ن مُلٲزمَن پننہِ بینکنگ تجرُبہٕ تہٕ مٲلی بہبودَس بہتر بناونہٕ خٲطرٕ ڈیزائن کرنہٕ آمٕتۍ پننہِ مرضی مطٲبِق بینکنگ فٲیدٕ تہٕ ترجیحی مٲلی خٔدماتن تام رسٲیی حٲصِل۔اَتھ مفاہمتی عرضداشت پٮ۪ٹھ آو شری ماتا ویشنو دیوی یونیورسٹی ہٕنٛدِس وائس چانسلر سٕنٛدِس آفس چیمبرَس منٛز دستخط کرنہٕ، یَتھ منٛز رجسٹرار اجے کمار شرما تہٕ زونل ہیڈ (اُدھم پور) للِت پرکاشَن بِلترتیب یونیورسٹی تہٕ جموں و کشمیر بینک کہِ طرفہٕ وائس چانسلر پروفیسر (ڈاکٹر) پرگتی کُمار، فنانس آفیسر کاجل جسروتیا سٕنٛزِ موجودگی منٛز مُحادَس پٮ۪ٹھ دستخط کٔرۍ۔