شُپینَس منٛز غٲر مقٲمی شہری سٕنٛدِس قتلَس منٛز شٲمِل مُجرِم یِن نہٕ بخشنہٕ: منوج سنہا

جموں و کشمیر کِس لیفٹیننٹ گورنر منوج سنہاہن کٔر جنوبی کشمیر کِس شوپیاں ضلعس منٛز دہشت گردَن ہٕنٛدِ ذٔریعہٕ أکِس غٲر مقٲمی شہری سٕنٛدِس قتلٕچ سخٕت مذمت۔ تٔمۍ ووٚن زِ سٲنۍ سیکورٹی فورس چھِ مجرمَن گرفتار کرنہٕ تہٕ انصاف کِس کٹہَس منٛز اننہٕ خٲطرٕ پرعزم ۔
ذٔرایعو مُطٲبِق گٔیہِ کینٛہہ غٲر مقٲمی بسکیٖن در جُمعہ دۄہ صُبحٲے وندنا ملہورا گامَس منٛز مکی ژٹنہٕ خٲطرٕ کھہَس منٛز ییٚلہِ دہشت گردَو بگل پورہ بِہار کِس روزَن وٲلِس اشوک کمار چوہانَس پٮ۪ٹھ نزدیٖکی گولہِ چلٲوِ، ییٚمہِ کِس نٔتیٖجس منٛز سُہ مارٕ گوٚو۔
بَٹہٕ وارِ دۄہ اَمہِ واقعٕچ مذمت کران ووٚن منوج سنہاہن ‘ایکس’ پٮ۪ٹھ أکِس پوسٹَس منٛز: "بہٕ چھُس شوپیانَس منٛز أکِس دُکاندار اشوک چوہان سٕنٛدِس دہشت گردَن ہٕنٛدِ ذٔریعہٕ وحشیانہٕ قتلٕچ سخٕت مذمت کران۔” تٔمۍ ووٚن زِ پوٗرٕ قوم چھُ أمۍ سٕنٛدِس (متٲثر سٕنٛدِس) عیالَس سۭتۍ کھڑا