سونامرگہِ منٛز گٔیہِ أکِس بٔڑِس ملی ٹنٹ حملَس منٛز مقٲمی تہٕ غٲر مقٲمی مزورہٮ۪تھ شےٚ نفر ہلاک تہٕ باقی پانٛژھ زخمی

وسطی گاندربل ضلعہٕ کِس گاگنگیر سون مرگ علاقَس منٛز مشتبہ دہشت گردَن اندھا دھند فائرنگ کٔرِتھ گٔیہِ مقٲمی تہٕ غٲر مقٲمی مزدورَن سۭتۍ شےٚ نفر ہلاک تہٕ باقی پانٛژھ زخمی ۔ گگنگیر سونامارگَس منٛز گوٚو افراتفری ہُنٛد ماحول تَمہِ وِزِ ییٚلہِ دہشت گردَو مقٲمی تہٕ غٲر مقٲمی موٚزوٗرَن پٮ۪ٹھ اندھا دھند گولہِ چلٲوِتھ 11 نفر شٔدیٖد زخمی گٔیہِ۔
یہِ چھُ معلوم گوٚومُت زِ خوٗنہٕ سۭتۍ بٔرِتھ زخمیَن آیہِ علاج خٲطرٕ نزدیٖکی ہسپتالَس منٛز نِنہٕ، مگر تَتہِ تعینات ڈاکٹرَو کوٚر غٲر مقٲمی مزدورَن سۭتۍ شےٚ نفر موٗدمُت قرار۔
ذٔرایعن ووٚن زِ آتھٕوارِ دۄہ شامَس کٔر نامعلوم بندوٗق بردارَو زیدمورا ٹنلَس منٛز کٲم کرَن وٲلۍ غٲر مقٲمی تہٕ مقٲمی موٚزوٗرَن پٮ۪ٹھ اندھا دھند گولہِ چلٲوِتھ، ییٚمہِ کِس نٔتیٖجس منٛز لَگ بَگ اَکھ درجن لُکھ شٔدیٖد زخمی گٔیہِ۔