وزیر اعظمَن کٔر مُلکَس 6,700 کرور رۄپیَن ہٕنٛدۍ پروجیکٹَن ہٕنٛز نقاب کشٲری۔

وزیر اعظم نریندر مودی ین کوٚر برٛسوارِ دۄہ پننہِ پارلیمانی حلقہٕ وارانسی پٮ۪ٹھ ریاست تہٕ ملکس خٲطرٕ 6,700 کروڑ رۄپیَن ہٕنٛدٮ۪ن منصوبن ہُنٛد اعلان، تہٕ ووٚنُن زِ اکہِ طرفہٕ چھِ وارانسی منٛز تیزی سان ترقی گژھان تہٕ دوٚیمہِ طرفہٕ چھُ وراثتُک تحفظ تہِ یِوان کرنہٕ۔
سِگرا سُپورٹس سٕٹیڈِیمس منٛز مُنعقد بُنیاد ترٛاونٕچہِ تقریٖبہِ تہٕ افتِتٲحی تقریٖبہِ منٛز خطاب کٔرِتھ ووٚن تٔمۍ زِ آز چھِ وارانسی منٛز لَگ بَگ پرٛٮ۪تھ شعبَس سۭتۍ وابستہٕ پروجیکٹ لبنہٕ یِوان، یِم نہ صرف لوٗکَن سٔہوٗلِیات فراہم کَرِ بلکہِ ییٚتہِ کٮ۪ن نوجوانَن روزگارٕک نٔوۍ موقعہٕ تہِ میلہِ۔ أمہِ سٕنٛز حُکوٗمت چھےٚ مُلکٕچہِ ژۄن طرفن ہِنٛزِ ترقی خٲطرٕ تَیار کَران۔ حکوٗمت کِس نٔوِس دورٕ کِس صِرِف 150 دۄہَن منٛز چھِ مُلکَس منٛز 15 لچھ کرور رۄپیہِ کھۄتہٕ زِیٛادٕ قۭمتٕک پروجیکٹَن پٮ۪ٹھ کٲم شُروٗع کرنہٕ آمٕژ۔ ییٚمہِ بجٹُک زِیٛادٕ تَر حصہٕ چھُ غریبَن، کٔمِلیَن تہٕ نوجوانَن ہِنٛدِس ناوس پٮ۪ٹھ روٗدمُت۔ یہِ چھےٚ سۄ تبدیٖلی یۄس مُلک یژھان چھِ۔