جموں و کشمیر: اُدھم پوٗر تہٕ کٹھوا ضِلَن منٛز شےٚ ڈرگ ڈیلر گرفتار، ہیروئن برآمد۔

جموں و کشمیر پولیسَن چھِ منشیاتَن خٕلاف پننہِ جٲری مُہِمہِ تحت جموں ، اُدھم پوٗر تہٕ کٹھوا ضِلَن منٛز شےٚ ڈرگ ڈیلر گرفتار کٔرِمٕتۍ تہٕ تِہنٛدِ قبضہٕ منٛزٕ ہیروئن، موبایِل فون تہٕ باقی سامان برآمد کرنہٕ آمُت۔ پُلیٖس ترجمانَس مُطٲبِق آے بۄموارِ دۄہ صُبحٲے اُدھم پوٗر ضِلعہٕ کِس تاوی کٔدلَس نزدیٖک گشتَس پٮ۪ٹھ تعینات پُلسہٕ اہلکارو رُکووِ اکھ مشکوک نفر ارون چودھری یُس کرٛوُک روزَن وول اوس، یَتھ دوران أمۍ سٕنٛدِ قبضہٕ منٛزٕ 5.81 گرام ہیروئن برآمد کرنہٕ آیہِ۔ مُلزِم آو فوراً حراستَس منٛز نِنہٕ تہٕ قونوٗنی کاروٲیی آیہِ شُروٗع کرنہٕ۔