شری امرناتھ یاترا: 7000 کھۄتہٕ زِیٛادٕ زائرینن ہُنٛد ٲٹھِم قٲفلہٕ بھگوتی نگر بیس کیمپٕ پٮ۪ٹھٕ روانہٕ ۔

شری امرناتھ جی یاترا خٲطرٕ 7000 کھۄتہٕ زِیٛادٕ زائرینن ہُنٛد ٲٹھِم جَتھ گوٚو بۄدوارِ دۄہ صُبحٲے بھگوتی نگر بیس کیمپٕ پٮ۪ٹھٕ سخت حفاظتی انتظامن درمیان کٔشیٖر روانہٕ۔ سرکٲرِ ذٔرایعو دِژ اطلاع زِ 7,579 زائرین ہُنٛد بیٛاکھ اکھ جَتھ گوٚو بۄدوارِ دۄہ صُبحٲے بھگوتی نگر بیس کیمپٕ پٮ۪ٹھٕ 318 لۄکچن تہٕ بجن گاڑیٚن منٛز کٔشیٖرِ کُن روانہٕ۔ تِمَو ووٚن زِ اَتھ منٛز ٲسۍ5,719 مرد، 1,577 زنانہٕ تہٕ 40 شُرۍ شٲمِل۔