لداخ کِس لیہہ ضِلعس منٛزبُنیُل، ریکٹر پیمانس پٮ۪ٹھ 5.7 شدت درٕج۔
مرکزی زیر انتظام علاقہٕ لداخ کِس لیہہ ضلعس منٛز آو ژٔندٕروارِ دۄہ بُنیُل محسوس کرنہٕ۔ تاہم چھُنہٕ کُنہِ تہِ جٲنی یا املاک ہٕنٛدِ نۄقصانٕچ کانٛہہ اطلاع۔
ریکٹر پیمانس اوس امیُک شدت 5.7 تہٕ امیُک زیر زمین سرٛنیٚر اوس 171 کلومیٹر۔
نیشنل سینٹر فار سیسمولوجی مُطٲبِق آو یہِ بُنیُل لداخ کِس ضلع لیہہ ہس منٛز ژٔندٕروارِ دۄہ صبحٲے 11:51 بجہِ۔
تِمَو ووٚن زِ بُنیُل آو ریکٹر پیمانَس پٮ۪ٹھ 5.7 شدت سۭتۍ ریکارڈ کرنہٕ، یَتھ منٛز زیر زمین سرٛنٮ۪ر 171 کلومیٹر اوس۔
تاہم چھُنہٕ وُنکینَس کانٛہہ تہِ جٲنی یا جائیداد ہٕنٛدِ نۄقصانٕچ اطلاع۔
یہِ چھُ قٲبلِ ذِکِر زِ 15 جنوری شامَس آیہِ وادی کشمیر کٮ۪ن واریاہَن علاقن منٛز ہلکہٕ زلزلہٕ محسوس کرنہٕ۔
زلزلہٕ آو ریکٹر پیمانس پیٹھ 3 شدت سۭتۍ ریکارڈ کرنہٕ، یَتھ منٛز زیر زمین پانٛژ کلومیٹر سرٛنیٚر اوس۔
تاہم، امہِ بُنیلہِ ووت نہٕ کانٛہہ نۄقصان