ڈی سی اننت ناگَن نِیُو جے کے سمادھنُک جٲیزٕ،عوٲمی شکایاتَن ہُند وقت، معیاری ازالہ یقینی بناونس پیٹھ زور۔

ڈِپٹی کمشنر (ڈی سی) اننت ناگ، ڈاکٹر بلال محی الدین بھٹَن دِیُت آز افسرَن جے کے سمادھان تہٕ سی پی جی آر ایم پورٹلَن ذٔریعہٕ موصول گژھن واجنہِ عوٲمی شِکایتَن ہُنٛد وقتَس پابند تہٕ معیاری ازالہٕ یٔقیٖنی بناونٕچ ہدایت، بیٚیہِ ووٚن زِ عوٲمی خٔدمَتَن ہٕنٛز فراہمی بڑاونہٕ خٲطرٕ چھُ مُتعلقہٕ حکامَن ہُنٛد فوری ردعمل ضروری۔

تٔمۍ کٔر ضِلعَس منٛز زیر التوا صاف کرنہٕ خٲطرٕ مُختٔلِف محکمَن سۭتۍ وابستہٕ آف لایِن شِکایتَن جلدٕی نمٹارنُک تہِ مُطالبہٕ۔ تٔمۍ ووٚن زِ عوامس پزِ ذمہٕ دار تہٕ جوابدہ گورننسٕکۍ فٲیدٕ حٲصِل کرٕنۍ یُس جلدٕی تہٕ معیاری شِکایتَن ہٕنٛدِس ازالَس پٮ۪ٹھ توجہ دِوان چھُ۔

ڈی سی یَن کٔر یِم ہِدایَت ڈاک بنگلہٕ، خانابلس منٛز تمام محکمن ہٕنٛدِ جامع جٲیزٕ اجلاسٕچ صدارت کران جٲری۔ پرنسپل جی ایم سی اننت ناگ، اے ڈی سی، جی ایم ڈی آئی سی، ایس ای پی ڈبلیوڈی، اے سی آر، سی پی او، ایس ڈی ایمز، اے سی ڈی، ایگزیکٹو انجینئر آر اینڈ بی، جل شکتی، پی ڈی ڈی تہٕ آئی اینڈ ایف سی، تمام ضِلعہٕ تہٕ سیکٹرل افسرَن کٔر میٹنگہِ منٛز شرکت.