*جموں و کشمیرٕکۍ کینٛژھن حِصن منٛز بنیل، کشتوار مرکز*

جُمعہ دۄہ صُبحٲے آو جموں و کشمیر کٮ۪ن واریاہَن حِصن منٛز معموٗلی بُنیُلہِ ہُنٛد احساس کرنہٕ۔خبر رساں ایجنسی جے کے این ایسَس دٔستِیاب تَفصیٖلَو مُطٲبِق آو کِشتواڑ ضِلعس منٛز تقریباً 09:57:54 بجہِ 3.5 شدتُک بُنیُل۔حکامَو وون زِ بُنیُلُک مرکز اوس کشتواڑ علاقَس منٛز عرض البلد 33.289 شُمالَس تہٕ طول البلد 76.739 مشرقَس منٛز 10 کِلومیٖٹر سرٛنٮ۪رَس منٛز واقعہٕ۔یہِ رپورٹ درٕج کرنہٕ وِزِ آو نہٕ مرکزی زیر انتظام علاقہٕ کِس کُنہِ تہِ جایہِ پٮ۪ٹھ کُنہِ تہِ جٲنی نۄقصانٕچ یا جائیدادَس نۄقصانٕچ کانٛہہ اطلاع مِلنہٕ۔