کوپواڑہ کِس کَرناہَس مَنٛز ۵.۵۷ کـروڑ رۄپیَن ہُنٛد گھوٹالہٕ؛ اے سی بی یَن کٔر ۱۴ اَشخصَن خِلاف ایف آئی آر دَرج

اینٹی کرپشن بیورو (ACB) ہَن کٔر ژٔندروار دۄہ مَحکمہٕ خۄراک، شَہقری سَہوٗلِیاتھ تہٕ اُموٗرِ صارفین (FCS&CA) کین ۵ اہلکارَن تہٕ ۹ فیئر پرائس شاپ (FPS) ڈیلرَن خِلاف کوپواڑہ ضِلہٕ کِس کَرناہ علاقَس مَنٛز ۵.۵۷ کـروڑ رۄپیَن ہُنٛد سَرکٲرؠ غسہٕ خَرد بَرد (غَبَن) کَرنَس مَنٛز ایف آئی آر دَرج۔ اکس بَیانَس مُطٲبِق، ترجمانَن وُپھناو زِ عَدالتی مَنظوٗری حٲصِل کَرنہٕ پَتہٕ پُلِیس اِسٹیشن اے سی بی بارہ مولہِ مَنٛز ‘پریوینشن آف کرپشن ایکٹ ۱۹۸۸’ تہٕ ‘بھارتیہ نیایا سنہیتا ۲۰۲۳’ ہِنٛدین مُختَلِف دَفاوَن تَحَت کیس ایف آئی آر نَمبَر 02/2026 دَرج کَرنہٕ آمُت۔تَرجُمانَن بَنٲو زِ یہِ کاروٲئی مَحکمہٕ خۄراک کِس ڈائریکٹر سِندِ اکہِ چِٹھی پَتہٕ عَم لَس مَنٛز آوِ، یَتھ مَنٛز مَحکماتی جانچ تہٕ جِسمانی تَصدیق (Physical Verification) پَتہٕ سَرکٲرؠ غسہٕ مَنٛز بٔڈ پؠمانَس پؠٹھ کَمؠ زٲہِر ہینز کَتھ سۆمبَرنہٕ آمتؠ۔ اکہِ جوائنٹ سَرپرائز چیکَس دوران گۄڈے لونٹھا گودام مَنٛز ۴،۱۷۵.۸۹ کُونٹَل تومُل کَم اکھ لَبنہٕ آو۔بَیانَس مَنٛز مَزِید دۆپمُت زِ اکہِ سَب کمیٹی ہِنٛزِ جانی جانچ پَتہٕ سپدِو زِ تَنٛگڈار، کَرناہ-A تہٕ کَرناہ-B سَرکِلَن ہِنٛدین مُختَلِف دُکانَن مَنٛز کُل ۵،۵۷،۱۸،۶۵۷.۲۵ رۄپیَن ہُنٛد سَرکٲرؠ غسہٕ اکہِ سازشِ تَحَت غَبَن کَرنہٕ آمُت۔ اَتھ مَنٛز سَرکٲرؠ مُلازِم تہٕ خانگی سوداگَر پَننہِ عُہدُک نَجائز فایدہ تُلنہِ مَنٛز شٲمِل چھِ۔اے سی بی یَن کٔر اَتھ سِلسِلَس مَنٛز عُمَر بَشِیر عُرف راجہ عُمَر (تتھِہ کین اَسِسٹینٹ اِسٹور کیپَر)، عاشِق حُسَین مِیر (تتھِہ کین اَسِسٹینٹ اِسٹور کیپَر) تہٕ باقٕے ۱۲ لُکن خِلاف کیس دَرج۔ ایف آئی آر دَرج کَرنہٕ پَتہٕ چھِ مُختَلِف جایا ہَن پؠٹھ تَلَشی کاروٲئی شُروٗع کَرنہٕ آمٔژ تہٕ تَحقیقات جاری چھِ۔