**سی۔آئی۔کے طرفہ سرینگرس منز 2 جاین پیٹھ چھاپہ، یو۔اے۔پی۔اے کیسس تحت کاروائی*

کاؤنٹر انٹیلیجنس کشمیر (CIK) ہندِ طرفہ آیہ بدھوارس دوہ سرینگرس منز ایکے وقتہ زون جاین پیٹھ چھاپہ مارنہ۔ یہ کاروائی غیر قانونی سرگرمین ہندِ روک تھام ایکٹ (UAPA) تہ بھارتی تعزیراتِ ہند (IPC) کس اکھس کیسس منز تحقیقاتس تحت عملس منز آونہ۔سرکاری ذرائعو ہوند وناں چھُ زِ سی۔آئی۔کے کِہ اکہِ ٹیمِہ کٔر عثمانیہ کالونی، باغِ مہتابس منز الطاف احمد بھٹ سندی مکانس پیٹھ تلاشی، یُس ۱۹۹۰ عیسوی پیٹھہِ پاکستانس منز روزان چھُ۔ایقے وقتہ کٔر سی۔آئی۔کے کہِ بیہِ اکہِ ٹیمِہ شیخ العالم کالونی، نوگامس منز مختار احمد بابا سندی مکانس پیٹھ چھاپہ مارنہ، یُس تفتیشی ایجنسی مطابق ۲۰۲۲ عیسوی پیٹھہِ پاکستانس منز مقیم چھُ۔یہِ تلاشی مہم پولیس اسٹیشن کاؤنٹر انٹیلیجنس کشمیرس منز درج ایف۔آئی۔آر نمبر 04/2026 کس تحت کَرنہِ آمژ چھِ۔ یہِ کیس آئی۔پی۔سی ہندین دفعات 505 تہ 153A، تہ یو۔اے۔پی۔اے ہندین دفعات 13 تہ 18 تحت درج چھُ۔حکامو وون زِ رپورٹ درج گژھنہِ وقتہ تام آسہِ تلاشی کاروائی جاری، تہ اَمیِچ مزید تفصیلات دِینہِ کاروائی مکمل گژھنہِ پتہ۔