وزیر اعظم مودین کوٚر برونائی دارالحکومتس منٛز وٲتِتُھ مشہور مسجدِ ہُنٛد دورٕ

ؤزیٖرِ اعظم نَرینٛدر مودی ین کوٚر بۄموارِ دۄہ شامَس برونائی سٕنٛزِ رازدٲنہِ منٛز مشہوٗر سُلطان عمر علی سیف الدین مسجِدُک دورٕ۔برونائی سٕنٛدِ وزیر مذہبی امور استاد حاجی اوانگ بدرالدینَن کوٚر أمۍ سُنٛد خٲر مقدم تہٕ گُزٲرُن کینٛہہ وقت مسجِد کمپلیکسَس منٛز خاموشی سان بِہِتھ۔ مودیَس سۭتۍ ٲسۍ وزیرِ خارجہ ایس جے شنکر تہٕ قومی سلامتی مشیر اجیت ڈوبھال تہِ۔”وزیر اعظم مودیَن کوٚر سلطان عمر علی سیف الدین مسجدُک دورٕ، ییٚتہِ برونائی سٕنٛدِ وزیر مذہبی امور استاد حاجی اوانگ بدرالدینَن تٔمۍ سُنٛد استقبال کوٚر۔ "بیانَس منٛز ووٚن زِ برونائی سُنٛد وزیر صحت حاجی محمد عصام تہِ اوس موٗجوٗد۔ ہِنٛدُستٲنہِ برادٔری ہِنٛدِ لُکن ہِنٛز اَکھ جمٲژ تہِ ٲس ؤزیٖر اعظم مودی سٕنٛدِس استقبال خٲطرٕ موٗجوٗد۔
مسجِدُک ناو چھُ برونائی کِس 28 ہِمِس سلطان عمر علی سیف الدین III (موٗجوٗدٕ سلطان سُنٛد مول، ییٚمۍ امِچ تعمیر تہِ شروٗع کٔر) سٕنٛدِس ناوَس پٮ۪ٹھ تھاونہٕ آمٕژ تہٕ امِچ تعمیر آیہِ 1958 منٛز مُکمل کرنہٕ۔