وزیر اعظم نریندر مودی یَن کوٚر ڈاکٹر رادھا کرشنس خراج تحسین پیش تہٕ وۅستادن ہٕنٛدِس دۄہَس پٮ۪ٹھ کوٚرُن مُلکس مبارک باد۔

ؤزیٖر اعظم نریندر مودی تہٕ مرکزی وزیر تعلیم دھرمیندر پردھانَن کوٚر برٛسوارِ دۄہ سٲبقہٕ صدر ڈاکٹر سروپلی رادھا کرشننَس تٔمۍ سٕنٛدِس زایہِ دۄہَس پٮ۪ٹھ خراج تحسین پیش ۔سوشل میڈیا پلیٹ فارم X یَس پٮ۪ٹھ مبارک باد دِنہٕ وٲلِس پٲغامَس منٛز لیوکھ مسٹر مودیَن زِ "ٹیچرَن ہٕنٛدِس دۄہَس پٮ۪ٹھ چھِ دِلی مبارکباد۔ یہِ چھُ تِمَن تمام اُستادَن ہُنٛد شُکُر اَدا کرنُک موقعہٕ یِم نوجوان دٮ۪ماغ بناوان چھِ۔ ڈاکٹر رادھا کرشنن تٔمۍ سٕنٛدِس زایہِ دۄہَس پٮ۪ٹھ خراج تحسین پیش کران۔ ‘‘
"تِمَن تمام اُستادَن دِلی مبارک باد یِمَو مُلکٕک نوجوانَن ہٕنٛز رہنمٲیی کٔر تہٕ ٹیچرَن ہٕنٛدِس دۄہَس پٮ۪ٹھ تِہنٛز لاعلمی دور کٔرمٕژ تہٕ نامور ماہر تعلیم، سٲبقہٕ صدر ہند ‘بھارت رتن’ ڈاکٹر سروپلی رادھا کرشنن تٔمۍ سٕنٛدِس زایہِ دۄہَس پٮ۪ٹھ خراج تحسین پیش کوٚر۔ استاد چِھ سانہٕ زندگین پننہٕ بے پناہ علمہٕ سۭتۍ زندگی ہنٛد حقیقی معنیس سۭتۍ متعارف کرتھ بامعنی سمت فراہم کران، نہ صرف کتابہٕ ہنٛد علم۔