ہندوستانن کٔر ایران کِس سپریم لیڈر سٕنٛدِ بیانٕچ مذمت
ہِنٛدُستانن کٔر ہِنٛدُستانس منٛز اقلیتَن پٮ۪ٹھ ظُلمن پٮ۪ٹھ ایران کِس سپریم لیڈر آیت اللہ علی خامنہ ای سٕنٛدِس تبصرَس ناقابل قبول قرار دِتھ سخٕت مذمت۔
"أسۍ چھِ ہندوستانَس منٛز اقلیتَن مُتعلِق ایران کِس سپریم لیڈر سٕنٛدِس تبصرَس سخٕت مذمت کران۔ یِم چھِ غلط معلوٗماتن پٮ۪ٹھ مبنی تہٕ چھِ ناقابل قبول۔”
بیانَس منٛز چھُ وَننہٕ آمُت زِ اقلیتَن پٮ۪ٹھ تبصرہ کرن وٲلۍ مُلکَن چھُ مشورٕ دِنہٕ یِوان زِ تِم کرَن باقین مُتعلِق کانٛہہ تہِ تبصرہ کرنہٕ برٛو "
ایران کِس سپریم لیڈر آیت اللہ علی خامنہ ای یَن ووٚن عید میلاد النبی کِس موقعس پٮ۪ٹھ ٹویٹرَس پٮ۪ٹھ أکِس پوسٹَس منٛز زِ اگر أسۍ میانمار، غزہ، ہندوستان یا بیٚیہِ کُنہِ جایہِ کٲنٛسہِ مسلمانن درپیش مصائب نِش غافل چھِ، تیٚلہِ پزِ نہٕ اسہِ پنُن پان مسلمان مانُن۔