اے اے پی چہِ پی اے سی میٹنگ منٛز نٔیِس وزیرِاعلہٰس پٮ۪ٹھ بَحَث۔

دِلہِ ہِنٛدِس ؤزیٖر اعلیٰ اروند کجریوال سٕنٛدِ دۄن دۄہن انٛدر انٛدر اِستِفہٕ دِنُک اعلان کرنہٕ پتہٕ کوٚر عام آدمی پارٹی (اے اے پی) چہِ سیٲسی معاملن ہِنٛزِ کمیٹی (پی اے سی) ہُنٛد آز وزیر اعلیٰ سٕنٛزِ رِہٲیشہِ پٮ۪ٹھ مُلاقات ۔
پی اے سی اجلاسَس مُتعلِق زانٛکٲری شیئر کران عام آدمی پارٹی ہٕنٛدۍ سینئر لیڈر تہٕ کابینہ وزیر سوربھ بھاردواجَن ووٚن، "مسٹر اروند کجریوالَن کٔر پی اے سی اجلاسَس منٛز موجود پرٛٮ۪تھ رہنُماہَس سۭتۍ دِلہِ ہِنٛدِس نٔوِس وزیر اعلیٰ سٕنٛدِس بارَس منٛز کَتھ باتھ تہٕ کٔرٕن تِہنٛز راے حٲصِل۔ تٔمۍ ووٚن زِ بۄموارِ دۄہ یِیہِ عام آدمی پارٹی ہٕنٛز قانون ساز پارٹی ہٕنٛز اکھ میٹنگ، یَتھ منٛز اروند کجریوال پی اے سی یَس منٛز بَحَث برٛونٛہہ کُن۔ کجریوال کَرِ بۄموارِ دۄہ شامَس لیفٹیننٹ گورنر وی کے سکسیناہَس سۭتۍ تہِ مُلاقات تہٕ کَرِ تٔمِس پنُن استعفہٕ۔

بھاردواجَن ووٚن زِ کجریوالَن کٔر میٹنگ منٛز موجود پی ایس سی ممبرَن تہٕ وزیرَن سۭتۍ دِلہِ ہٕنٛدِس نٔوِس وزیر اعلیٰ سٕنٛدِس معاملَس پٮ۪ٹھ اَکہِ پتہٕ اکھ کَتھ باتھ تہٕ کٔرٕن تِہنٛدۍ خیالات حٲصِل