مرمو کَرِ بۄموارِ دۄہ آبہٕ ہفتُک افتتاح

صدر دروپدی مرمو کَرِ بوموارِ دۄہ 8 مہِ انڈیا واٹر ویک-2024 ہُک افتتاح۔وزارت ہُنٛد بین الاقوٲمی تقریٖب یِیہِ 17 پٮ۪ٹھ 20 ستمبر تام ییٚتہِ بھارت منڈپمَس منٛز مرکزی جل شکتی وزیر سی آر پاٹل تہٕ ریاستی وزیر راج بھوشن چودھری سٕنٛزِ موجودگی منٛز منعقد کرنہٕ۔ یہٕ پروگرام کرِ شٲمل آبی ترقی تہٕ انتظام خٲطرٕ شراکتہٕ تہٕ تعاونس پیٹھ غور۔
بوموارِ دۄہ ییٚتہِ أکِس پریس کانفرنسَس برٛونٛہہ دِوان دِژ وزارت جل شکتی ہٕنٛدۍ سکریٹری دیباشری مکھرجیَن ووٚن زِ ٲٹھمہِ انڈین واٹر ویک-2024 ہُک موضوع چھُ ‘آبی ترقی تہٕ انتظام خٲطرٕ شراکت تہٕ تعاون’۔ اتھ تقریٖبہِ منٛز آسہِ مُختٔلِف مُلکَن ہٕنٛدۍ آبی وَسٲیِل مٲہِرَن سۭتۍ سۭتۍ مرکزی تہٕ ریاستی حکومتَن ہٕنٛدۍ وزیر، اعلیٰ عہدیدار، تعلیمی ادارَن ہٕنٛدۍ ماہرین، این جی او تہٕ سوسائٹیَن ہٕنٛدۍ نمایندٕ شٲمِل۔

تٔمۍ ووٚن زِ "سون موضوع- پائیدار آبی انتظام حٲصل کرنہٕ خٲطرٕ تمام شعبن تہٕ سطحن منٛز تعاونٕچ ضرورت- چھِ اکھ بنیٲدی حقیقت اجاگر کران۔