عوام کِس مینڈیٹَس سۭتۍ گژھہِ نہٕ چھیڑ چھاڑ کرنہٕ یِنۍ: عمر عبداللہ

نیشنل کانفرنسٕکۍ نٲیِب صدر تہٕ سٲبقہٕ وزیر اعلیٰ عمر عبداللہَن کوٚر بٹوارِ دۄہ کامیٲبی ہٕنٛز وۄمید ظٲہر تہٕ ووٚن زِ لوٗکَن یُس تہِ مینڈیٹ آسہِ تتھ سۭتۍ گژھہِ نہٕ کانٛہہ تہِ چھیڑ چھاڑ کرنہٕ یِنۍ۔ تٔمۍ ووٚن زِ جموں و کشمیر کٮ۪ن لوٗکَن ہُنٛد فٲصلہٕ یِیہِ آز دُپہرَس تام نٮ۪بر۔
سٲبقہٕ ؤزیٖرِ اعلیٰ ہن کوٚر بۄموارِ دۄہ ییٚتہِ میڈیاہس سۭتہِ کَتھ کران یِمن خیالن ہُنٛد اِظہار۔ تٔمۍ ووٚن زِ "أسۍ چھِ کامیٲبی ہٕنٛز وۄمید کران، باقی چھِ اللہ ہَس پٮ۪ٹھ منحصر، جموں و کشمیر کٮ۪ن لوٗکَن ہُنٛد فٲصلہٕ یِیہِ آز دُپہرَس تام نٮ۪بر”۔
ییٚلہِ اِلیکشنَن منٛز شفافیت مُتعلِق پرژھنہٕ آو تٔمۍ ووٚن: "شفافیت گژھہِ آسٕنۍ، ییٚمہِ ورٲے جموٗرِیَتس منٛز کانٛہہ فٲیدٕ چھُنہٕ۔” عمر عبداللہَن ووٚن: "یُس تہِ گژھہِ شفافیت سۭتۍ کرنہٕ یُن، لوٗکَن ہٕنٛدِس مینڈیٹس سۭتۍ گژھہِ نہٕ کانٛہہ تہِ چھیڑ چھاڑ کرنہٕ یِنۍ، اگر عوامُک مینڈیٹ بی جے پی یَس خٕلاف چھُ، تیٚلہِ پزِ نہٕ تِمَن اتھ سۭتۍ چھیڑ چھاڑ کرٕنۍ”۔