بی جے پی تہٕ کانگریسس درمیان سخت مُقابلہٕ۔

ہریانہ اسمبلی اِلیکشنَن باپتھ ووٹَن ہٕنٛز گنتی ہٕنٛدِ ابتدٲئی رُجحانَو مُطٲبِق چھُ حکمراں بھارتیہ جنتا پارٹی تہٕ مرکزی حزب اختلاف کانگریسَس درمیان سخٕت مُقابلہٕ۔
صبحٲے 10 بجہِ تام ٲسہِ رِیاستٕچہِ 90 سیٹو منٛزٕ 79 سیٹن پٮ۪ٹھ رُجحان ظٲہِر گٔمٕتہِ ، یَتھ منٛز بی جے پی 38 سیٹَن پٮ۪ٹھ برٛونٛہہ تہٕ کانگریس 36 سیٹَن پٮ۪ٹھ برٛونٛہہ ٲس۔ انڈین نیشنل لوک دل تہٕ أمۍ سٕنٛز اِتحٲدی شٔریٖک بہوجن سماج پارٹی چھِ أکِس سیٹَس پٮ۪ٹھ برٛونٛہہ تہٕ آزاد امیدوار چھِ ترٛٮ۪ن سیٹَن پٮ۪ٹھ برونٛہہ۔