وزیر اعظم مودیَن دِژ این سی یَس کامیٲبی پٮ۪ٹھ مُبارک باد.

ؤزیٖر اعظم نریندر مودِین دِژ بۄموارِ دۄہ جموں و کشمیر اسمبلی اِنتِخابس منٛز نیشنل کانفرنسس (این سی) چہِ کامیٲبی پٮ۪ٹھ مُبارک باد۔
مودیَن ووٚن سوشل میڈیا ایکسَس پٮ۪ٹھ زِ "بہٕ چھُس یژھان جموں و کشمیر اسمبلی اِلیکشنَن منٛز نیشنل کانفرنسٕچ کامیٲبی پٮ۪ٹھ مُبارک باد دِوان”۔

مركزی زیر انتظام علاقہٕ جموں و کشمیرس منٛز 90 رکنی اسمبلی اِنتِخابس منٛز چھِ این سی یَس ووٹن ہِنٛزِ گنتی منٛز 42 سیٖٹہٕ حٲصِل کٔرمٕژ تہٕ أمۍ چھِ پننِس اتحادی پارٹنر کانگریسَس سۭتۍ اکثریت حٲصِل کٔرمٕژ۔

کانگریسن زینہِ شےٚ سیٹہٕ۔ بھارتیہ جنتا پارٹی چھِ 29 سیٹہٕ حٲصِل کٔرِتھ دوٚیمِس نمبرَس پٮ۪ٹھ ۔